نشرت في:الخميس، 6 يوليو 2017
نشرت بواسطت hishyar
حەكیم: لەگەڵ وڵاتانی هەرێمیو جیهانی لەراوێژداین بۆ راگرتنی ریفراندۆمەكەی هەرێم
سەرۆكی ئەنجومەنی باڵای ئیسلامی سەرلەنوێ جەخت لە سەر یەكپارچەیی خاكی عێراق دەكاتەوە و مەترسی خۆشی نیشان دا بەم هەنگاوەی هەرێم پارێزگاكانی دیكەی عێراقیش داوای سەربەخۆیی بكەن.
عەمار حەكیم لە لێدوانێكدا رایگەیاندووە، ئەم بابەتە كورتنابێتەوە بە دیاریكراوی بۆ ناوچەیەك، چونكە هەر جوڵەیەك لە كوردستان دەبێتەهۆی هاندانی پارێزگا و ناوچەكانی دیكەی عێراق بۆ جیابوونەوە و سەربەخۆیی وەك ئەوەی هەرێم.
حەكیم دووپاتیشیكردەوە، كە هەوڵ دەدەن هاوبەشەكانیان لەهەرێم بڕوا پێ بێنن كە ئەم هەنگاوە زیان بە خۆیان و عێراق بە گشتی دەگەیەنێت.
دەشڵێت “نیگەرانی هەرێمی و نێودەوڵەتی هەیە لەسەر ئەم هەنگاوە، ئێمە لە راوێژداین لەگەڵ وڵاتانی هەرێمی و جیهانی لە پێناو راگرتنی ریفراندۆمەكەی هەرێم”.
ئەمە لەکاتێکدایە کە هەندێ لایەنی سیاسی و نوسەر و قسە رۆیشتووەکانی ئەو لایەنانە ئەنجامدانی گشت پرسی لە هەرێمی کوردستان بە پەردەپۆشکردنی کێشە ناوخۆییەکانی هەرێم دەبینن و دەشلێت: ئامانج لە ئەنجامدانی ریفراندۆم سەربەخۆیی نیە.
